Հյուսիսային Կորեան մեր անվտանգության համար «լուրջ սպառնալիք» է. Ճապոնիա

Ճապոնիան Հյուսիսային Կորեայի զինված ուժերը երկրի անվտանգության համար լուրջ սպառնալիք է համարում. հայտնում է ՌԻԱ «Նովոստի»-ն՝ Ճապոնիայի` 2019 թվականի պաշտպանության Սպիտակ գրքին հղումով:

Նշվում է, որ ԱՄՆ-ի և Հյուսիսային Կորեայի ղեկավարների հանդիպումից հետո Փհենյանը հայտարարել է ապամիջուկայնացման և հրթիռային հրաձգարանների փակման պատրաստակամության մասին:

«Մյուս կողմից՝ Հյուսիսային Կորեան աշխատում է միջուկային լիցքի նվազեցման և այն մարտագլխիկի վերածելու ուղղությամբ: Երկիրն ունի մի քանի հարյուրի հասնող բալիստիկ հրթիռներ, որոնք կարող են հասնել մեր երկրի յուրաքանչյուր կետ: Հյուսիսային Կորեան մեր երկրի դեմ անսպասելի հրթիռային հարձակման մեծ հնարավորություններ ունի, քանի որ շարժական հրթիռային կայանքներ և սուզանավեր ունի»,- պարզաբանված է գերատեսչության փաստաթղթում: