Փաշինյանը հրապարակեց ԱԱԾ տնօրենի և ոստիկանապետի ԺՊ-ների անունները

ՀՀ վարչապետ Նիկոլ Փաշինյանը կառավարության այսօրվա նիստում հրապարակեց ԱԱԾ տնօրենի և ոստիկանապետի ժամանակավոր պաշտոնակատարների անունները:

«Ես կայացրել եմ որոշում ՀՀ ԱԱԾ տնօրենի տեղակալ Էդուարդ Մարտիրոսյանին ՀՀ ԱԱԾ տնօրենի պարտականությունների ժամանակավոր կատարող նշանակելու վերաբերյալ և ՀՀ ոստիկանության պետի առաջին տեղակալ Արման Սարգսյանին ոստիկանապետի ժամանակավոր պաշտոնակատար նշանակելու վերաբերյալ »,- ասաց  վարչապետը:

Հիշեցնենք, որ ավելի վաղ ԱԱԾ տնօրենի պաշտոնից հրաժարական էր տվել ազգային անվտանգության ծառայության տնօրեն Արթուր Վանեցյանը, իսկ ոստիկանապետի պաշտոնից ազատված Վալերիյ Օսիպյանը նշանակվել է ՀՀ վարչապետ Նիկոլ Փաշինյանի խորհրդական։