Դուք սկսել եք Թեղուտի հանքավայրի դեմ պայքար և մոռացել եք այդ մասին, փախել եք այդ պայքարից. նախկին պատգամավորը՝ Սերժ Թանկյանին

ԱԺ նախկին պատգամավոր Միհրան Հակոբյանն իր ֆեյսբուքյան էջում գրում է.

«Հարգելի և շատ սիրելի Serj Tankian,
Հայաստանում Ձեր ակտիվ մասնակցությամբ իրականացված ժողովրդական, թավշյա, ոչ բռնի հեղափոխության արդյունքում իշխանության եկած ժողովրդի վարչապետը հանդիպել է իրենց ծառայողական պարտքը կատարած, Հայաստանը արտաքին և ներքին թշնամուց պաշտպանելու երդում տված երեք հայ սպաների սպանած Սասնա ծռեր խմբավորման պարագլուխների հետ և պայմանավորվել նրանց հետ անաղմուկ շահագործել Ամուլսարը: Դուք նույնպես դեմ եք Ամուլսարի շահագործմանը, Դուք ավելի մեծ ճանաչում ունեք աշխարհում, Դուք ավելի մեծ աղմուկ կարող եք բարձրացնել, քան երեք մարդ սպանածների բրիգադը, բայց Ձեր հետ ժողովրդի վարչապետը չի հանդիպում Ամուլսարի շահագործման հարցով, Ձեզ չի խնդրում, չի համոզում, Ձեր հետ չի պայմանավորվում: Որովհետև Դուք սկսել եք Թեղուտի հանքավայրի դեմ պայքար և մոռացել եք այդ մասին, փախել եք այդ պայքարից: Ամուլսարն էլ կմոռանաք, Ամուլսարի պայքարից էլ կփախչեք: Ի վերջո, Դուք ժողովրդի վարչապետին խոստացել եք բնակարան գնել և ավելի շատ ժամանակ անցկացնել Հայաստանում, բայց չեք արել: Անհետևողական, խոստացող և չանող, խոսքը փոխող մարդկանց հետ ոչ ոք չի բանակցում, չի խնդրում, չի պայմանավորվում: Ցիանիդային բարևներ Հայաստանից:»