Մեդվեդևը հույս ունի`ԵՏՄ միջկառավարական խորհրդի անդամները մաքսատուրքերի շուրջ համաձայնության կգան

ՌԴ վարչապետ Դմիտրի Մեդվեդևը հույս ունի` ԵՏՄ երկրները միջկառավարական խորհրդի նիստում վերջնականապես կպայմանավորվեն մաքսատուրքերի տեղաբաշխման հարցում, հայտնում է РИА Новости-ն:

«Մենք այսօր մեր միության գործունեության հրատապ հարցեր կքննարկենք, ազգային կարգավորման ձևավորման հարցերը: Հուսով եմ, որ վերջնականապես կպայմանավորվենք այն խնդրով , ինչի մասին դուք հենց նոր ասացիք: Ես նկատի ունեմ մաքսատուրքերի տեղաբաշխման հարցերը»,- ասել է Մեդվեդևը Եվրասիական միջկառավարական խորհրդի պատվիրակության ղեկավար՝ Ղրղզստանի նախագահ Սոորնբայ Ժեենբեկովի հետ հանդիպման ժամանակ:

ՌԴ վարչապետը շեշտել է նաև, որ շարունակում են կարևոր թեմաներ մնալ ինչպես թվային օրակարգը, այնպես էլ ընդհանուր ֆինանսական շուկան:

«Մենք իսկապես որոշակի հաջողություններ գրանցել ենք: Մասնավորապես, նվազում են վարչարարական խոչընդոտները, չնայած, հավանաբար, ոչ այնքան արագ, ինչպես բոլորը կցանկանային»,- մանրամասնել է Մեդվեդևն ու ընդգծել` երկրները համաշխարհային մրցակցային դաշտում հանդես են գալիս որպես մեկ ամբողջություն: