Պուտինը վավերացրել է ՀԱՊԿ կանոնադրության փոփոխությունների արձանագրությունները

ՌԴ նախագահ Վլադիմիր Պուտինը ստորագրել է ՀԱՊԿ կանոնադրության փոփոխությունների արձանագրությունները« տեղեկացնում է  РИА Новости-ն։

Արձանագրություններից մեկով նախատեսվում է, որ Հավաքական անվտանգության խորհրդի կազմում ընդգրկվում են ՀԱՊԿ երկրների ղեկավարները կամ կառավարությունների ղեկավարները, եթե, ըստ ներպետական օրենսդրության, իրավասություններ են տրված Խորհրդում ներառված հարցերի լուծման համար:

Նախատեսվում  է նաև դիտորդի կարգավիճակ տրամադրել այն երկրներին, որոնք ՀԱՊԿ անդամ չեն, եւ միջազգային կազմակերպություններին, որոնք ցանկանում են գործակցել կառույցի հետ։

Նաև նախատեսվում է արտոնություններ տրամադրել ոչ միայն ՀԱՊԿ գլխավոր քարտուղարին և նրա ընտանիքի անդամներին, այլ նաև նրա տեղակալներին և տեղակալների ընտանիքներին։