Փոխարժեքներ
04 03 2025
|
||
---|---|---|
USD | ⚊ | $ 393.69 |
EUR | ⚊ | € 411.09 |
RUB | ⚊ | ₽ 4.4047 |
GBP | ⚊ | £ 497.94 |
GEL | ⚊ | ₾ 141.36 |
Կառավարության այսօրվա նիստում որոշվել է մի շարք դպրոցների, կրթօջախների և այլ հաստատությունների վերանորոգման, վերազինման, կառուցման համար գումարներ հատկացնել: Նիստի ժամանակ ՀՀ փոխվարչապետ, նիստը վարող Տիգրան Ավինյանն ասաց, որ կառավարության կողմից իրականացվող բոլոր ծրագրերի գումարը գոյացել է հավելյալ հավաքագրումից, որոնք, քաղաքացիների վարքագծից ելնելով, Պետական եկամուտների կոմիտեն կարողացել է հավաքագրել։
Նշեց, որ գործընթացը պետք է լինի շարունակական՝ ՀՀ քաղաքացիները պետք է շարունակեն պահանջել ՀԴՄ կտրոններ, իսկ տնտեսավարողները պետք է լինեն բարեխիղճ հարկատուներ, որովհետև կառավարությունը ճիշտ ուղղություններով է այդ գումարները ծախսում՝ մարդկային կապիտալի զարգացման համար:
«Այս թեմային անդրադառնալն անհրաժեշտություն եմ համարում, որպեսզի ՀՀ յուրաքանչյուր քաղաքացի հասկանա և տեսնի, որ հարկեր վճարելու և ՀԴՄ կտրոններ պահանջելու առումով պատասխանատու մոտեցումն ուղղակիորեն ազդում է ՀՀ յուրաքանչյուր քաղաքացու վրա։ Բացի այդ` տնտեսավարողների համար պետք է ավելի լավ պայմաններ ստեղծենք և այդ ուղղությամբ նույնպես աշխատում ենք։ Էկոնոմիկայի նախարարությունը, որպես այդ գործընթացի պատասխանատու, բավականին լավ ներգրավված է և առաջ է տանում այդ հարցերը»,- նշեց փոխվարչապետը: