Թեյի միջազգային կոմիտեի համաձայն` Թուրքիան ամենից շատ թեյ օգտագործող երկիրն է

Թեյի միջազգային կոմիտեի` 2018 թ. պատրաստած զեկույցի համաձայն` տարեկան մեկ շնչին բաժին ընկնող թեյի օգտագործմամբ Թուրքիան զբաղեցնում է առաջին հորիզոնականը: Թուրքերը տարեկան օգտագործում են 3.5 կգ թեյ:

Երկրորդ հորիզոնականում է Աֆղանստանը` 2.4 կգ., 3-րդ հորիզոնականում Լիբիան` 2 կգ:

 Ստամբուլի Այդըն համալսարանի առողջապահական գիտությունների ֆակուլտետի դասախոս Գյոքչեն Օզյուփեքը հայտնել է, որ թեյի շատ օգտագործումը կարող է հանգեցնել սակավարյունության:

«Չենք կարող ասել, որ թեյի շատ օգտագործումն անվնաս է: Մեզ համար շատ կարևոր համարվող թեյը կարող է հանգեցնել անեմիայի (սակավարյունություն): Բացի այդ` դրանում եղած կոֆեինի քանակը բարձրացնում է ճնշումը: Այն կարող է հանգեցնել նաև ջրազրկման: Իսկ կանաչ թեյն ավելի առողջարար է: Թեյ կարելի օգտագործել օրվա ընթացքում առավելագույնը 5 անգամ, իսկ բույսերով պատրաստված թեյերը` 3»,- Օզյուփեքի խոսքերն է մեջբերում CNN–ի թուրքական ծառայությունը: