Թուրքական դատարանը 17 թուրք բարձրաստիճան պաշտոնյայի ցմահ ազատազրկման է դատապարտել

Անկարայի Ծանր հանցագործությունների 17-րդ դատարանը վճիռ է կայացրել Թուրքիայում ահաբեկիչ համարվող կրոնական առաջնորդ Ֆեթուլլահ Գյուլենի կողմնակիցներ վերաբերյալ:

Դատավճիռը հրապարակվել է Անկարայի Սինջան շրջանում գտնվող դատարանի շենքում: Ընդհանուր առմամբ, գործով անցնում է 224 մեղադրյալ, այդ թվում` նաև Թուրքիայի ռազմաօդային ուժերի հրամանատար Աքըն Օզթյուրքը. հաղորդում է «Անադոլու» գործակալությունը:

Դատարանը 17 մեղադրյալի դատապարտել է 141 ցմահ ազատազրկման: Այս 17 զինվորականները սահմանադրական կարգը տապալելու համար դատապարտվել են մեկական ցմահ ազատազրկման, իսկ ևս 139 ցմահ ազատազրկման` Անկարայում զոհված 139 քաղաքացիների գործով: Եվս մեկ ցմահ ազատազրկում ավելացել է «նախագահի դեմ մահափորձ» հոդվածով:

Նշենք, որ 2016 թ. հուլիսի 15-ի անհաջող ռազմական հեղաշրջման հետևանքով մահացել էր 251 մարդ: