Դատավոր Արմեն Դանիելյանի դեմ ներկայացված երկրորդ բացարկի վերաբերյալ որոշումը կհրապարակի հունիսի 18-ին

Վերաքննիչ քրեական դատարանում այսօր շարունակվեց ՀՀ երկրորդ նախագահ Ռոբերտ Քոչարյանի, Սեյրան Օհանյանի, Յուրի Խաչատուրովի և Արմեն Գևորգյանի վերաբերյալ՝ Գլխավոր դատախազության, ինչպես նաև տուժողների իրավահաջորդների ներկայացուցիչ Վահե Գրիգորյանի և տուժողի ներկայացուցիչ Սեդա Սաֆարյանի բողոքների վերաբերյալ նիստը:

Այսօրվա դատական նիստում նախագահող դատավոր Արմեն Դանիելյանին ինքնաբացարկի վերաբերյալ միջնորդություն ներկայացրեցին Ռոբերտ Քոչարյանի պաշտպանական խմբի անդամները՝ Արամ Օրբելյանը և Սևակ Թորոսյանը:

Արամ Օրբելյանը նաև ներկայացրեց պաշտպանական խմբի մյուս անդամ Հովհաննես Խուդոյանի կողմից կազմված ինքնաբացարկի միջնորդությունն այն պատճառով, որ Հովհաննես Խուդոյանը բացակայում է երկրից և ֆիզիկապես չէր կարող ներկա գտնվել նիստին:

Պաշտպան Ռուբեն Սահակյանը միացավ խմբի ներկայացրած միջնորդություններին:Դատավորին ինքնաբացարկ հայտնելու հորդորով հանդես եկավ Ռոբերտ Քոչարյանը նշելով՝ վատ է զգում, որ իր կողմից նշանակած դատավորի նկատմամբ նման բացասական վերաբերմունք է ձևավորվել և որ տարիների ընթացքում համակարգում լինելով այսպիսի համբավ ձեռք բերելը լավ բան չէ:

Ինքնաբացարկների վերաբերյալ միջնորդություններն այսքանով չավարտվեցին՝ պաշտպանական կողմից նման միջնորդությամբ հանդես եկան նաև Սեյրան Օհանյանի պաշտպան Կարեն Մեժլումյանը և Յուրի Խաչատուրովի պաշտպան Միհրան Պողոսյանը:Բողոքի քննությունը չի ցանկանում որպեսզի նախագահի հիշյալ դատավորը՝ նույնիսկ տուժողի ներկայացուցիչ Սեդա Սաֆարյանը, վերջինս ևս միջնորդեց դատարանին ինքնաբացարկ հայտնել:Դատավարության մասնակիցներին լսելուց հետո դատարանը հեռացավ խորհրդակցական սենյակ՝ որոշում կհրապարակվի հունիս 18-ին՝ ժամը16:00-ին: