Հացադուլի մեջ գտնվող երկու կալանավորված անձ դիմում է ներկայացրել հացադուլը դադարեցնելու վերաբերյալ

ՀՀ գլխավոր դատախազ Արթուր Դավթյանի կողմից տարեսկզբին տրվել էր հանձնարարություն՝ անհատական աշխատանքներ իրականացնելու քրեակատարողական հիմնարկներում պահվող հացադուլի հայտարարած անձանց խնդիրներին արագ արձագանքելու, բողոքի այդ դրսևորման պատճառների պարզման, նրանց իրավունքներին վերաբերող բարձրացված հիմնավոր խնդիրները քննարկման առարկա դարձնելու նպատակով: Այս մասին տեղեկացնում է դատախազության լրատվական ծառայությունը:

Նաև այս շրջանակներում ՀՀ գլխավոր դատախազության պատիժների և հարկադրանքի այլ միջոցների կիրառման օրինականության նկատմամբ հսկողության վարչության դատախազի՝ ՀՀ ԱՆ «Արմավիր» ՔԿՀ կատարած այցի շրջանակներում դատախազի և քրեակատարողական հիմնարկի պետի կողմից իրականացվել է նշված ՔԿՀ-ում պահվող, հացադուլ հայտարարած անձանց անհատական ընդունելություն: Դատախազի կողմից նրանք սահմանված կարգով ենթարկվել են հարցման: