Հակոբ Կարապենցի անվան ամենամյա կրթաթոշակ՝ լավագույն ուսանողներին

Երեկ Երեւանի պետական համալսարանի կենտրոնական դահլիճում, Համազգային հայ կրթական եւ մշակութային միության նախաձեռնությամբ, Հակոբ Կարապենցի անվան ամենամյա կրթաթոշակ հանձնվեց ԵՊՀ-ի և Խաչատուր Աբովյանի անվան պետական մանկավարժական համալսարանի 5 լավագույն ուսանողների:

Հակոբ Կարապենցի անվան կրթաթոշակ ուսանողներին տրվում է 2000 թվականից: Կրթաթոշակի հանձնումը կատարվում է Հակոբ Կարապենցի կտակի համաձայն:

Նշենք, որ միջոցառման ժամանակ պատվոգրեր հանձնվեցին նաև ԵՊՀ 100-ամյակի առիթով Երևանի պետական համալսարանի հայտարարած  համահայաստանյան դպրոցական օլիմպիադայի հաղթողներին:

Հակոբ Կարապենցի անվան կրթաթոշակը ուսանողներին հանձնեց Համազգային հայ կրթական և մշակութային միության Երևանի գրասենյակի տնօրեն Ռուզան Առաքելյանը: Շնորհավորելով հաղթողներին` նա մաղթեց հաջողություններ և հույս հայտնեց, որ նրանք իրենց գիտելիքներով արժանին կմատուցեն Հայրենիքին, որտեղ երազել էր ապրել Կարապենցը: