Մահացել է աշխարհահռչակ երաժիշտ Տիգրան Կոպալյանը

Ջազային երաժիշտ Տիգրան Կոպալյանը, որը հայտնի է Լեոն Ռեդբոուն կեղծանունով, մահացել է ։ Այս մասին հայտնում է The Variety-ն` վկայակոչելով երաժշտի ընտանիքի անդամներին:

Կոպալյանը մահացել է երեկ` մայիսի 30–ին, Կանադայում, նա 69 տարեկան էր։

Ժամանակին Ռեդբոունին ուշադրություն էր դարձրել Բոբ Դիլանը, որին ցնցել էր երաժշտի կատարման ոճը։ Նա առաջարկել էր Rolling Stone երաժշտական ամսագրին` ուշադրություն դարձնել տաղանդավոր երաժշտին։ Դեպքից 1 տարի անց Կոպալյանն իր առաջին պայմանագիրն էր կնքել։

Կոպալյանն, ընդհանուր առմամբ, 15 ձայնասկավառակ է թողարկել։ Դրանցից առաջինը ներկայացվել է 1975 թվականին ու կրել «On the track» անվանումը: