Ոստիկանություն բերման է ենթարկվել երեկվա հանրահավաքում բեմահարթակից սպառնալիքներ հնչեցնող քաղաքացին

Երեկ՝ մայիսի 25-ին, Ազատության հրապարակում հավաքի ժամանակ մասնակիցներից մեկի կողմից հնչեցված սպառնալիքների կասկածանքով ոստիկանություն բերման է ենթարկվել մեկ քաղաքացի`Ջ. Ա.-ն: Այս մասին Yerkir.am-ի հետ զրույցում ասաց ՀՀ ոստիկանության լրատվական վարչության պետի տեղակալ Էդգար Ջանոյանը։

Հիշեցնենք, որ երեկ Ազատության հրապարակում մի խումբ երիտասարդներ հանրահավաք են կազմակերպել` հայտարարելով, որ դա Նիկոլ Փաշինյանի կողմնակիցների հանրահավաքն է: Ելույթներից մեկի ժամանակ Ջիվան Աբրահամյանը սպառնալիքներ է հնչեցրել Արցախի նախագահ Բակո Սահակյանի հասցեին, ասելով, որ եթե Ռոբերտ Քոչարյանին ընդունեն Արցախում, ապա  «քարով կցխի Արցախի նախագահ Բակո Սահակյանի գլուխը»: