Ֆիլիպինների նախագահի բոլոր երեխաները պետական պաշտոններ են զբաղեցրել ընտրությունների ընթացքում

Ֆիլիպինների նախագահ Ռոդրիգո Դուտերտեի դուստրը և երկու որդիները պետական պաշտոններ են զբաղեցրել միջանկյալ ընտրությունների ընթացքում` իրենց մրցակիցների նկատմամբ հասնելով մեծագույն առավելության, տեղեկացնում է CNN-ը:

Ըստ լրատվամիջոցի` ընտրություններն ուղեկցվել են մի շարք խախտումներով: Սառա Դուտերտեն, որն զբաղեցնում է Դավաոյի՝ իր հոր հայրենի քաղաքի քաղաքապետի պաշտոնը, վերընտրվել է պաշտոնում` ստանալով ավելի քան 580 հազար ձայն, իսկ նրա միակ մրցակիցը՝ ընդամենը 4 հազար ձայն:

Քաղաքապետի եղբայրը՝ Սեբաստիան Դուտերտեն, դարձել է Դավաոյի փոխքաղաքապետը: Նշվում է, որ ընտրություններում նա մրցակիցներ չի ունեցել: Նա զբաղեցրել է այն պաշտոնը, որն ավելի վաղ ազատել էր նրա եղբայրը՝ Պաոլո Դուտերտեն, որն էլ իր հերթին քվեարկության արդյունքում զբաղեցրել է երկրի Ներկայացուցիչների պալատի պատգամավորի պաշտոնը: Պաոլոյի օգտին է քվեարկել են 197 հազար քաղաքացի, երբ նրա մրցակիցը ստացել է գրեթե 5.000 քվե:

Նշվում է, որ ընտրությունների ընթացքում պետական կառավարման բարձրագույն մարմիններ ընդդիմությունից ոչ մի թեկնածու չի անցել:

Լրատվամիջոցը փաստում է նաև, որ Ֆիլիպինների նախագահը հայտնի է իր կտրուկ արտահայտություններով ու վարքագծով: