Աթենքում այրել են CNN-ի լրագրողի մեքենան. հարձակումը կապված է ահաբեկիչ Դիմիտրիս Կուֆոնտինասի գործի հետ

Անհայտ անձինք Աթենքում այրել են CNN Greece-ի`քրեական թեմաներով ռեպորտաժներ պատրաստող լրագրող Մինա Կարամիտրուի  ավտոմեքենան: Այս մասին տեղեկացնում է CNN-ը:

Նշվում է, որ ԶԼՄ ներկայացուցչի մեքենան այրել են 02.00-ի սահմաններում՝ լրագրողի տան հարևանությամբ: Ավտոմեքենան ամբողջովին այրվել է:

Հեռուստաընկերության համոզմամբ` հարձակումը կարող է կապված լինել ահաբեկիչ Դիմիտրիս Կուֆոնտինասի գործի հետ: Դատախազությունը հրաժարվել է 11 ժամկետով ցմահ ազատազրկման դատապարտված` «Նոյեմբերի 17» ահաբեկչական կազմակերպության պարագլխին հերթական արձակուրդը տրամադրել։ Այդ կապակցությամբ ձախ անարխիստական կազմակերպությունները մի շարք ցույցեր են կազմակերպել` հաջակցություն Կուֆոնտինասի։

Հիշեցնենք, որ նա ձերբակալվել էր 2002 թվականին: «Նոյեմբերի 17» հեղափոխական կազմակերպությունը գործել է Հունաստանում 1975-2002 թվականներին։  Կազմակերպությունը պատճառ է դարձել պայթյունների, հափշտակությունների, 23 ամերիկացի, բրիտանացի և թուրք դիվանագետների ու զինվորականների, հույն քաղաքական գործիչների և գործարարների սպանությունների: Գործով դատապարտվել է 14 մարդ։