Այս պահին Երևանում sett-weather
Փոխարժեքներ 04 11 2025
USD ⚊ $ 382.55
EUR ⚊ € 440.12
RUB ⚊ ₽ 4.738
GBP ⚊ £ 500.15
GEL ⚊ ₾ 141.19
կարևոր
0 դիտում, 6 տարի առաջ - 2019-05-01 11:50
Տարածաշրջան

Էրդողանն իր աջակցությունն է հայտնել Մադուրոյին

Էրդողանն իր աջակցությունն է հայտնել Մադուրոյին

Թուրքիայի նախագահ Ռեջեփ Թայիփ Էրդողանն իր թվիթերյան էջում անդրադարձել է երեկ Վենեսուելայում տեղի ունեցած ռազմական հեղաշրջման փորձին և աջակցություն հայտնել Վենեսուելայի նախագահ Նիկոլաս Մադուրոյին. հաղորդում է artigercek.com կայքը:

«Ժողովրդի գերիշխանությամբ օժտված, իր նախագահին ընտրություններով որոշած Վենեսուելայում պոստմոդեռն գաղութի կառավարիչ նշանակելու ջանքեր գործադրողները պետք է իմանան, որ երկիրը ղեկավարվում է ժողովրդավարական ընտրություններով:

Որպես հեղաշրջումների դեմ պայքար մղած, հեղաշրջումների արդյունքում բացասական հետևանքներ կրած երկիր` դատապարտում ենք Վենեսուելայում հեղաշրջման փորձը: Ամբողջ աշխարհը ստիպված է հարգել Վենեսուելայի ժողովրդի ժողովրդավարական կամքը»,– նշել է Էրդողանը:

Վենեսուելայի ԱԳՆ ղեկավար Խորխե Արեասան շնորհակալություն  է հայտնել Էրդողանին դիրքորոշման համար: «Թուրքիայի Հանրապետության նախագահ Էրդողանին միջազգային իրավունքին և խաղաղությանը աջակցելու, միևնույն ժամանակ Վենեսուելայում ժողովրդավարությունը հարգող բացահայտ դիրքորոշման համար շնորհակալություն ենք հայտնում»,- ասել է նա:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը