«Գահերի խաղ»-ի վերջին եթերաշրջանի առաջին սերիայի պրեմիերան դիտել է ավելի քան 1 միլիարդ մարդ

Ամերիկյան HBO հեռուստաալիքի եթերում ապրիլի 14-ին տեղի է ունեցել «Գահերի խաղը» հեռուստասերիալի վերջին՝ ութերորդ եթերաշրջանի պրեմիերան: Ութերորդ եթերաշրջանի առաջին մասն արդեն դիտել է 1 մլրդ մարդ: Այս մասին տեղեկացնում է thesun.co.ukկայքը:

Աշխարհի ավելի քան  207 երկրում ցուցադրվող հեռուտասերիալի վերջին եթերաշրջանի առաջին մասի ցուցադրությունից հետո միլիոնավոր երկրպագուների համար այն քննարկման գլխավոր թեման է դարձել:

Կայքը հավելում է նաև, որ ԱՄՆ մի շարք քաղաքներում «Գահերի խաղ»-ի երկրպագուներն իրենց սիրած հերոսների թեմատիկ հանդերձանքներով ու դիմակներով հավաքվել են մեծ էկրանների առջև` բազմաթիվ մրցանակների արժանացած ֆիլմի նոր զարգացումներին հետևելու:

Առաջին մասի ամենաուշագրավ պահը եղել է գլխավոր հերոս Ջոն Սնոուի՝ սեփական ծագման մասին ճշմարտության բացահայտումը:

Հավելենք, որ «Գահերի խաղը» հեռուստանովելի վերջին եթերաշրջանը բաղկացած է վեց մասից: Մայիսի 19-ին կցուցադրվի վերջին սերիան: