Ստեփանակերտի Մայր Տաճարում կատարվել է հոգեհանգստյան կարգ՝ նվիրված Մարաղայի կոտորածի 27-րդ տարելիցին

ԱՀ մշակույթի, երիտասարդության հարցերի և զբոսաշրջության նախարարության նախաձեռնությամբ այսօր Ստեփանակերտի Աստվածամոր Սուրբ Հովանի Մայր Տաճարում Արցախի թեմի առաջնորդ Պարգև Արքեպիսկոպոս Մարտիրոսյանի ձեռմաբ կատարվել է հոգեհանգստյան կարգ՝ նվիրված Մարաղայի կոտորածի 27-րդ տարելիցին:«Արցախպրես»-ի    թղթակցի  հաղորդմամբ՝   Արցախի  թեմի  առաջնորդ  Պարգև  Արքեպիսկոպոս  Մարտիրոսյանն  ասել  է, որ     27   տարի  է  անցել  այն  ողբերգական   օրից, երբ  թշնամին  ներ խուժել  Մարաղայի    տարածք  և   կատարել  մի  շարք  վայրագություններ՝  խոշտանգելով, գլխատելով    անմեղ   մարդկանց՝  մեծին  ու  փոքրին:«Մենք   ամեն  տարի  աղոթք  են  հղում  առ  Աստված, որ  Տերը  լույս   և  հանգիստ  պարգևի   մեր  անմեղ  նահատակներին:

Նրանք   նահատակվեցին   հանուն   արդարության  ու  ազատության, ազգային  պատկանելիության   և  հավատքի  համար:  Մենք  շարունակելու  ենք  մեր արդար   պահանջատիրությունը: Ցավոք  սրտի, մինչև   այսօր    քաղաքակիրթ  աշխարհը   դեռևս  չի   ճանաչել  և չի  դատապարտել  1915  թվականի  Ցեղասպանությունը  և  այլն: Եթե  կամենում ենք  հաղթանակ  ունենալ, պետք  է լծվենք արդարության  ձայնը  բարձրացնելու գործին»,- մասնավորապես  ասել  է  Պարգև  Արքեպիսկոպոս  Մարտիրոսյանը: