Warner Bros. կինոընկերությունը դատական հայց է ներկայացրել Թրամփի դեմ

Հոլիվուդյան հայտնի Warner Bros. Entertainment կինոընկերությունը դատական հայց է ներկայացրել ԱՄՆ նախագահ Դոնալդ Թրամփի դեմ: Այս մասին տեղեկացնում է The Guardian-ը:

Նշվում է, որ Թրամփն իր թվիթերյան միկրոբլոգում հրապարակել էր 2020թ. նախագահական ընտրությունների քարոզարշավի վերաբերյալ երկու րոպե տևողությամբ տեսահոլովակ, որում լսվում է 2012թ. նկարահանված` Բեթմենի մասին պատմող «Խավարի ասպետը. լեգենդի վերածնունդը» ֆիլմի երաժշտությունը:

Կինոընկերության բողոքից հետո տեսանյութը հեռացվել է:

Ավելի վաղ ընկերությունը հայտարարություն էր տարածել, որում մասնավորապես նշված էր, որ քարոզչական նպատակներ հետապնդող հոլովակում իրենց ֆիլմի երաժշտության օգտագործումը տեղի է ունեցել առանց իրենց թույլտվության: