Քննարկվում է Ստամբուլում ընտրության արդյունքների չեղարկման հարցը

Թուրքիայի իշխող «Արդարություն և զարգացում» կուսակցությունը երեկ դիմել էր Բարձրագույն ընտրական հանձնաժողով` պահանջելով Ստամբուլի 31 շրջաններում ՏԻՄ ընտրությունների արդյունքների վերահաշվարկ: ԲԸՀ-ն  համաձայնել է միայն 21 շրջանի 51 ընտրատարածքում վերահաշվարկ կատարել:

Էրդողանն, իր հերթին, երեկ Մոսկվա կատարած այցից առաջ հայտարարել էր, որ ընտրություններում մեծ թվով խախտումներ կան:

Թուրքական լրատվամիջոցները նշում են, որ իշխանական շրջանակներում քննարկվում է Ստամբուլում ընտրության արդյունքները չեղյալ հայտարարելու հարցը: Ընդդիմությունը բացառում է Ստամբուլում երկրորդ անգամ ընտրության անցկացումը, սակայն իշխող կուսակցությունը հայտարարել է, որ, հավանաբար, կդիմի Սահմանադրական դատարան` իրենց` վերահաշվարկի պահանջը բավարարելու համար:

Ի դեպ, ԱԶԿ-ի` Ստամբուլում անվավեր քվեները հաշվարկելու պահանջը բավարարելուց հետո Ստամբուլում հաղթած ընդդիմադիր ՀԺԿ թեկնածու Էքրեմ Իմամօղլուի ձայները 29.000-ից հասել են 14.800-ի: