Արամ Ա-ն կմեկնի Հալեպ՝ վերաօծելու Հալեպի Սրբոց Քառասնից Մանկանց եկեղեցին

Մեծի Տանն Կիլիկիո Ն.Ս.Օ.Տ.Տ. Արամ Ա կաթողիկոսը մեկնելու է Սիրիա՝ առաջիկա շաբաթ օրը վերաօծելու Հալեպի Սրբոց Քառասնից Մանկանց մայր եկեղեցին։ Կիլիկիո կաթողիկոսարանի ֆեյսբուքյան էջից տեղեկանում ենք, որ այդ մասին նա հայտարարել է Անթիլիասի Մայր տաճարում։

Արամ Ա-ն նշել է, որ վերջին յոթ տարիներին Սիրիան գտնվում էր ճգնաժամի մեջ, բայց Մեծի Տանն Կիլիկիո կաթողիկոսության, նրա թեմերի, ինչպես նաև հայ ժողովրդի զավակների ֆինանսական օժանդակությամբ՝ ՀՀ-ից մինչև Արցախ և Սփյուռք, Սիրիայի հայությունն իր ցավի և տառապանքի մեջ մնաց կանգուն: 

«Եվ այսօր Սիրիայի հայությունը  սկսել է իր հավաքական վերականգնման ընթացքը»,- ընդգծել է Վեհափառ հայրապետը: