Տարածաշրջանի որոշ երկրներ կասկածելի միջուկային ծրագիր են իրականացնում. Իրանի ազգային անվտանգության գերագույն խորհրդի քարտուղար

Իրանի ազգային անվտանգության գերագույն խորհրդի քարտուղար Ալի Շամխանին անդրադարձել է տարածաշրջանի որոշ երկրների միջուկային ծրագրերին. տեղեկացնում է ԻՌՆԱ-ն: Նա նշել է, որ տարածաշրջանի որոշ երկրներ իրենց նավթադոլարները ծախսում են չափազան կասկածելի միջուկային ծրագրերի իրագործման նպատակով, ինչն, ըստ նրա, տարածաշրջանին եւ աշխարհին կարող է կանգնեցնել շատ ավելի մեծ սպառնալիքի առջեւ, քան ահաբեկչության եւ ԴԱԵՇ-ի վտանգը:

«Նման սպառնալիքների առաջացումը մեզ ստիպում է, հաշվի առնելով դրանց բնույթը, վերանայել մեր պաշտպանական ռազմավարությունը եւ երկրի պաշտպանական պահանջներն ու անհրաժեշտություններն համապատասխանեցնել դրանց»,- ասել է Շամխանին: