Կոալաների թվաքանակն այսուհետ կվերահսկեն անօդաչու թռչող սարքերով

Անօդաչու թռչող սարքերն արդեն «կարողանում են» հաշվել մագլցող պարկավորներին`կոալաներին: Այս նորարությունը մեծ օգնություն է կենսաբանների համար` օգնում է հետևել կենդանիների պոպուլյացիայի թվաքանակին. հայտնում է RT-ն:

Գաղափարն իրականություն է դարձել գիտական նորարության շնորհիվ: Ծրագրավորողները թռչող անօդաչուների նեյրոցանցի մեջ հավելում են կատարել` նոր ինֆրակարմիր տեսախցիկներ տեղադրելով, որոնք տարբերակում են թաքնված արջուկներին այլ կենդանիներից: 

Հավելենք, որ կոալան Ավստրալիայի ամենահայտնի կենդանիներից է։ Թեև տեսքով նմանվում է արջի, սակայն պատկանում է պարկավորների դասին, որի մեջ մտնում է, օրինակ, կենգուրուն: Անխնա որսի հետևանքով նրանց քանակը խիստ կրճատվել է։ Ներկայումս որսն արգելված է, և պարկավոր արջի թիվն սկսել է աճել։