Ամոթ Ռուբեն Հախվերդյանին. Արցախի ՄԻՊ-ը ևս դատապարտում է

Ֆեյսբուքյան իր էջում  Արցախի Մարդու իրավունքների պաշտպան Արտակ Բեգլարյանն անդրադարձել է Ռուբեն Հախվերդյանի կողմից հնչած մի շարք գնահատականներին, որոնք արվել են Համլետ Ղուշչյանի հաղորդման ժամանակ:

«Ամոթ Ռուբեն Հախվերդյանին ու որոշ չափով Համլետ Ղուշյանին՝ հայության արցախյան հատվածի մասին խիստ խտրական ու վիրավորական արտահայտությունների համար: Ցավում եմ, որ մեր ազգի մեջ այդպես մտածող «մտավորականներ» կան, որոնք ի վիճակի են հայության շրջանում տարանջատում մտցնել այդ կարգի վիրավորական ընդհանրացումներով: Հուսամ՝ նրանք վաղ թե ուշ կգիտակցեն իրենց արտահայտությունների վտանգավորությունն ու դատարկությունը:

Հ.Գ. այս արձագանքը կատարում եմ որպես և՛ Մարդու իրավունքների պաշտպան, և՛ պարզապես հայ: Իսկ եթե այլ կարգավիճակով լինեի, ապա արձագանքս շատ ավելի կոշտ կլիներ»,- գրել է Արցախի ՄԻՊ-ը:

Նշենք, որ Ռուբեն Հախվերդյանի մի շարք հայտարարություններ արցախահայերի մասին ցասում են առաջացրել հանրության շրջանում: