Կառավարության կողմից ինձ անտեսված եմ զգում. Տիգրան Հակոբյան

ՀՌԱՀ-ի նման ընտրություններ առաջին անգամ են կազմակերպվում. նախկինում հանրապետության նախագահն էր նշանակում թե’ նախագահին, թե’ անդամներին. լրագրողների հետ զրույցում ասաց Հեռուստատեսության և ռադիոյի ազգային հանձնաժողովի նախագահ Տիգրան Հակոբյանը:

Այս տարի Հեռուստատեսության և ռադիոյի հանձնաժողովը կազմակերպում է մրցութային հանձնաժողով`հայտարարված մրցույթի շնորհիվ ընտրելով նոր անդամներին և նախագահին:

Հավելենք, որ ներկայիս գործող նախագահ Ռուբեն Ջաղինյանի պաշտոնավարման ժամկետը լրանում է մարտի 3-ին: Նոր ընտրությունները կանցկացվեն մարտի 6-ին:

Տիգրան Հակոբյանն ընդգծեց նաև, որ կառավարությունը չի միջամտում հանձնաժողովի գործերին, ու «դաբրոյի» ժամանակներն արդեն անցել են: «Ես ինձ անգամ հաճելիորեն անտեսված եմ զգում»,- շեշտեց նա:

Մրցույթը կանցկացվի կոշտ մրցակցային պայմաններում: Հակոբյանը վստահեցնում է` կընտրվի այն անձը, որն իր նպատակին կծառայեցնի հանրային հեռարձակումը: «Սա էլ բանկի նման է: Թեկնածուն պիտի լավ վարկային պատմություն ունենա: Թե չէ  շատերը գիտեն, որ ուղղակի հեռուստաընկերություն են ղեկավարելու, այնինչ` սա մի հսկայական կառույց է, որի արժեքը մի քանի միլիոն դոլար է գնահատվում»,- եզրափակեց բանախոսը: