Կառավարական տան 1-ին շենքում բռնկված հրդեհը մարվել է, տուժածներ չկան

Փետրվարի 25-ի առավոտյան Երևանի Հանրապետության հրապարակում գտնվող կառավարության տան 1-ին շենքում բռնկված հրդեհը ժամը 09:20-ին մարվել է: Այս մասին հայտնում են ԱԻՆ-ից:

Այրվել է գրասենյակային գույք` մասամբ (աթոռ, պահարան, թղթեր) և 1 գմ մալուխ: Հրդեհի հետևանքով տուժածներ չկան:

Հիշեցնենք, որ փետրվարի 25-ին` ժամը 09:03-ին, «911» ծառայությանն ահազանգ է ստացվել, որ Երևան քաղաքի Կառավարական տան 1-ին շենքում հրդեհ է բռնկվել:

Հրդեհի բարդության «թիվ 2» կանչով դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից վեց մարտական հաշվարկ, մեկ ավտոսանդուղք և Ճգնաժամային կառավարման ազգային կենտրոնի արտակարգ իրավիճակների արձագանքման խումբը: