ՀՀ պաշտպանության նախարարը այցելել է IDEX-2019 ռազմարդյունաբերական ցուցահանդեսի հայկական տաղավար

ՀՀ պաշտպանության նախարար Դավիթ Տոնոյանը փետրվարի 17-ին Աբու Դաբիում հանդիպել է Հունաստանի Հանրապետության պաշտպանության նախարար Էվանգելոս Ապոստոլակիսի հետ։ Այս մասին «Ֆեյսբուք»-ի իր էջում տեղեկացրել է  ՀՀ պաշտպանության նախարարի մամուլի քարտուղար  Արծրուն Հովհաննիսյանը։

«Դավիթ Տոնոյանը շնորհավորեց իր գործընկերոջը նշանակման կապակցությամբ և հրավիրեց Հայաստան։ Հանդիպման ընթացքում երկու նախարարները քննարկեցին հայ-հունական ռազմական համագործակցության հարցեր։ Նշելով այս ոլորտում ունեցած նշանակալի ձեռքբերումները՝ նախարարները երկուստեք պատրաստակամություն հայտնեցին ռազմական համագործակցության խորացման հարցում»,- գրել է Արծրուն Հովհաննիսյանը։