Իրանի հետ անհրաժեշտ է կառուցողական երկխոսություն ծավալել. Գերմանիայի ԱԳՆ

Գերմանիայի ԱԳ նախարար Հայկո Մաասը Իրանի իր գոծընկերոջ՝ Մոհամմադ Ջավադ Զարիֆի հետ հանդիպման ընթացքում, կարևորել է Իրանի հետ կառուցողական երկխոսության ծավալումը: Այս մասին ասած է Գերմանիայի արտաքին քաղաքական գերատեսչության թվիթերյան պաշտոնական միկրոբլոգում. տեղեկացնում է ԻՌՆԱ-ն:

«Սիրիայի եւ Եմենի հիմնախնդիրների քաղաքական կարգավորման նպատակով, անհրաժեշտ է Իրանի հետ կառուցողական երկխոսություն ծավալել»,- ասել է Մաասը:

Գերմանիայի ԱԳ նախարարն անդրադառնալով Միջուկային համապարփակ համաձայնագրին, նշել է, որ քանի դեռ Իրանը կատարում է համաձայնագրով ստանձնած իր պարտավորությունները, ԵՄ-ն շարունակելու է հավատարիմ մնալ գործարքին:

Հանդիպման ընթացքում երկու գործընկերները քննարկել են երկկողմ հարաբերություններին, Միջուկային գործարքին, ԵՄ-ի՝ Իրանի հետ առեւտրի ֆինանսավորման հատուկ մեխանիզմին եւ տարածաշրջանային ու միջազգային հիմնախնդիրներին վերաբերող թեմաներ: