Ապրիլի 24-ը Հայոց ցեղասպանության հիշատակի օր հայտարարելով` Մակրոնը կատարել է իր խոստումը. Ֆրանսիայի ԱԳՆ

ԱԳՆ-ի ամենօրյա ճեպազրույցում հարց է հնչել. «Արդյո՞ք Թուրքիան պատասխանել է Ֆրանսիային նախագահ Մակրոնի` Հայոց ցեղասպանության հիշատակի օր հայտարարելու մասին որոշումից հետո»:

Արտաքին քաղաքական գերատեսչության ներկայացուցիչը պատասխանել է, որ, ապրիլի 24-ը հիշատակ օր հռչակելով, նախագահ Մակրոնը կատարել է իր հայտնի խոստումը՝ հարգանքի տուրք մատուցելով Ֆրանսիայի հայ քաղաքացիների նախնիներին:

«Մենք բազմաթիվ առիթներ ենք ունեցել Թուրքիայի իշխանությունների հետ այս հարցի շուրջ տեսակետներ փոխանակելու: Նրանք տեղեկացվել են մեր դիրքորոշումներին, ինչպես և մենք տեղյակ ենք, թե ինչպիսի դիրքորոշում ունեն նրանք»,- նշել է նա: