Չավուշօղլուն քննադատել է ԱՄՆ-ի գլխավորած կոալիցիայի գործողությունները

 «Իսլամական պետություն» ահաբեկչական խմբավորման դեմ ԱՄՆ-ի գլխավորած կոալիցիայի որոշ անդամներ փորձում են տապալել Իդլիբի հարցով ռուս-թուրքական համաձայնությունը: Այդ մասին հայտարարել է Թուրքիայի ԱԳՆ ղեկավար Մևլութ Չավուշօղլուն. հայտնում է РИА Новости-ն:

Չավուշոօղլուն նրանց մեղադրել է այն բանում, որ իրենց ֆինանսական աջակցություն են ցուցաբերում «Խայաթ Տահրիր Աշ Շամ»  խմբավորմանը, որը ձևավորվել է 2017-ին` որպես պատասխան Սիրիայում հրադադարի ռեժիմի հաստատմանը, և վերահսկում է Իդլիբի մեծ մասը:

«Երկրորդ` այդ երկրները մեծ ջանքեր են գործադրում, որպեսզի թույլ չտան Սիրիայում սահմանադրական կոմիտեի ստեղծումը միայն այն բանի համար, որ մենք ենք դա անում»,- ասել է Թուրքիայի ԱԳ նախարարը: