Մարտի 1-ի գործը չափազանց քաղաքականացված է և երբեք լիովին չի բացահայտվի. Իսկանդարյան

Մարտի 1-ի գործը լիովին բացահայտված չէ և երբեք չի էլ լինի: Այսօր լրագրողների հետ զրույցում նման տեսակետ հայտնեց Կովկասի ինստիտուտի տնօրեն, քաղաքագետ Ալեքսանդր Իսկանդարյանը:

«Այս գործը չափազանց քաղաքականացված է, և այն լուրջ դերակատարում ունի քաղաքական տարանջատումներում: Սա նաև մի գործ է, որում լուրջ դեր է ունեցել հենց ինքը` Նիկոլ Փաշինյանը, և շատ այլ գործիչներ, որոնք քաղաքականության մեջ են»,- շեշտեց նա:

Անդրադառնալով նոր խորհրդարանին` Իսկանդարյանը նշեց, որ այն  ներառում է նախորդ տարվա տրամադրությունները,  և որ մարդիկ ընտրել են ոչ թե ներկայիս պատգամավորներին, այլ Նիկոլ Փաշինյանին:

«Հասարակության համար սա անծանոթ խորհրդարան է: Հետաքրքիր իրավիճակ է. խորհրդարանում խմբեր են կազմավորվելու,  եւ հասարակությունը նոր-նոր ծանոթանալու է նրանց»,- նշեց նա: