Որպես ՀՀ-ում ռուսական ռազմաբազայի հակակշիռ` Թուրքիան պատրաստվում է Նախիջևանում երրորդ բազան ստեղծել. Սաֆրաստյան

Թուրքիայի ակտիվությունը Հարավային Կովկասում վերջին մեկ տարվա ընթացքում Նախիջևանի ուղղությամբ է, ինչը և' քաղաքական, և' ռազմական նշանակություն ունի: Այս մասին լրագրողների հետ զրույցում ասաց ԳԱԱ արևելագիտության ինստիտուտի տնօրեն Ռուբեն Սաֆրաստյանը:

«Թուրքական մամուլը գրում է, որ Թուրքիան նախապատրաստվում է իր սահմաններից դուրս ստեղծել իր երրորդ ռազմաբազան: Օգտվելով այն հանգամանքից,  որ ՌԴ-ն ունի իր կարիքը Սիրիայում, Թուրքիան փորձում է իր ոտքի տեղը մի քիչ ընդլայնել և ուժեղացնել իր ներկայությունը Նախիջևանում, այդ թվում՝ ռազմական առումով: Սա աշխարհաքաղաքական կարևոր գործընթաց է, և չեմ կարծում, որ այն ռուսների կողմից լուրջ հակազդեցության չի արժանանա, քանի որ սա առաջին հերթին արվում է ՀՀ-ում ռուսական ռազմաբազայի գոյությանը հակակշռելու նպատակով»,- ասաց թուրքագետը: