Իրանի արտգործնախարարը բարձր է գնահատել Իրաքի Քուրդիստանի ինքնավարություն կատարած այցի արդյունքները

Իրանի ԱԳ նախարար Մոհամմադ Ջավադ Զարիֆը Իրաքի Քուրդիստանին համարել է Իրանի «ավանդական եւ մոտիկ» գործընկերն ու բարձր գնահատել ինքնավարություն կատարած իր այցի արդյունքները: Այս մասին տեղեկացնում է ԻՌՆԱ-ն` վկայակոչելով արտգործնախարարի թվիթերյան բլոգի գրառումը:

 «Ուրախ եմ, որ Իրանի ավանդական եւ մոտիկ գործընկեր Իրաքի Քուրդիստան եմ այցելել: Էրբիլում արդյունավետ ու կառուցողական բանակցություններ եմ ունեցել Իրաքի Քուրդիստանի Դեմոկրատական կուսակցության ղեկավար Մասուդ Բարզանիի, ինքնավարության վարչապետ Նաչիրվան Բարզանիի եւ ազգային անվտանգության հարցերով խորհրդական Մասրուր Բարզանիի հետ: Գործարարների հետ հանդիպումը նույնպես արդյունավետ էր: Իրանը քրդերի վստահելի բարեկամն է»,- գրել է Զարիֆը: