Ներքին տարաձայնություններ բոլորովին չկային. Մակունցը` Գրիգորյանի` մանդատը վայր դնելու մասին

Հայտնել ենք, որ «Իմ քայլը» խմբակցության պատգամավոր Վարդան Գրիգորյանը մանդատից հրաժարվելու դիմում է ներկայացրել:

Լրագրողները «Իմ քայլը» խմբակցության ղեկավար Լիլիթ Մակունցից հետաքրքրվեցին պատճառների մասին: Նա պատասխանեց. «Պատճառները նա կհրապարակի: Կարծում եմ, որ ճիշտ կլինի նրանից իմանաք»:

Ճշտող հարցին՝ տարաձայնություննե՞ր են եղել, Մակունցը պատասխանեց. «Ներքին տարաձայնություններ բոլորովին չկային, ուղղակի կար աշխատանքի հետ կապված իր դիրքորոշման հարցը»:

Անդրադառնալով ԱԺ ընդդիմադիր փոխնախագահի ընտրությանը` լրագրողները հետաքրքրվեցին՝ արդյո՞ք սա քննություն չէ «Իմ քայլի» համար: Մակունցն արձագանքեց. «Հերթական պատասխանատու քվեարկություններից մեկն է, որևէ քվեարկություն չեմ համարում պակաս կարևոր»: