Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 5 տարի առաջ - 2018-12-14 15:56
Հասարակություն

Հայտնի են ինտերակտիվ տերմինալների արդյունքները

Հայտնի են ինտերակտիվ տերմինալների արդյունքները
Առողջապահության նախարարության նախաձեռնությամբ` Երևանի առավել մեծ հոսք ունեցող և բազմապրոֆիլ երեք բուժհաստատությունում ( «Իզմիրլյան», «Էրեբունի» և «Սուրբ Գրիգոր Լուսավորիչ») երկու ամիս առաջ տեղադրվել են պացիենտի գոհունակության մշտադիտարկման գործիք` ինտերակտիվ տերմինալներ:
 
Պացիենտի գոհունակության մշտադիտարկման համակարգը գործնական տեսանկյունից պարզ կիրառելիություն ունի և տալիս է հնարավորություն ցանկացած պարբերականությամբ տվյալներ հավաքագրելու:
 
Գոյություն ունեն պացիենտի բավարարվածության գնահատման մի շարք մեթոդներ, սակայն Հայաստանի բժշկական կազմակերպություններում գրեթե չի գործում պացիենտի կարծիքի շարունակական մոնիտորինգի համակարգը` վերջինիս կարծիքը և առաջարկները հաշվի առնելու և դրանց հիման վրա փոփոխություններ կատարելու տեսանկյունից: 
 
Ամփոփելով պիլոտային ծրագրի երկամսյա արդյունքները` արձանագրվել է, որ պացիենտների 63%-ը գոհ է հիվանդանոցային բուժման պայմաններից, ըստ որի` ավելի շատ գոհ են բժիշկների վերաբերմունքից, քան բուժքույրերի և մայրապետների: Ուղիղ կեսը նշել է, որ հայտնվել են քաշքշուքների և հերթերի մեջ: Յուրաքանչյուր չորրորդը հայտնել է, որ  վճարել է ոչ պաշտոնական գումար: Պացիենտների մեծ մասը տեղյակ չէ, թե ինչ հիմունքներով է ստացել բուժում` պետպատվերով, թե վճարովի:
 
Ըստ «Vocera»  2016թ. տվյալների` առողջապահական մասնագետների 64%-ը հաստատում է, որ 1500 բուժհաստատությունում պացիենտի կարծիքի ուսումնասիրությունն իր կարևորությամբ հավասար է պացիենտի անվտանգության պահպանմանն ու կլինիկական աշխատանքի արդյունքի բարելավմանը: Սա զարմանալի չէ, քանի որ պացիենտի դերն ավելին է, քան սպառողինը: 
Պացիենտի գոհունակության ապահովումը մի շարք գործնական արդյունքների է հանգեցնում ներառյալ` դիմելիության աճ, բուժհաստատության հեղինակության բարձրացում, ինչպես նաև հնարավոր դատական գործերի կանխում:
Ներդրված համակարգը ենթարկվելու է պարբերական մշտադիտարկման և բարելավման` հանդիսանալով բուժօգնության որակի ապահովման առանցքային մեթոդներից մեկը: 
 
ԲԿ-ներում տեղակայվող տերմինալները հատկացրել է մասնավոր ընկերություն: Վերջինիս հետ նախարարությունը որևէ հետագա պայմանագրային պարտավորություն չի ստանձնել: Դրանց հետագա շահագործման մասով արդեն բուժհաստատություններն այդ ընկերության հետ կշարունակեն իրենց պայմանագրային աշխատանքը:
Ի դեպ, ինտերակտիվ տերմինալների գաղափարը մեծ հետաքրքրության է արժանացել մարզային բժշկական ղեկավարների կողմից: Հուսանք, որ այս նախաձեռնությունը վարակիչ կլինի և կհասնի նաև մարզային բժշկական կենտրոններ` ի շահ առողջապահական ծառայությունների որակի բարելավման և բնակչության վստահության բարձրացման:
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը