Մեյի կաբինետը նրան կոչ է արել հրաժարական տալ, եթե ԵՄ-ի հետ համաձայնագիրը հավանության չարժանանա

Մեծ Բրիտանիայի վարչապետ Թերեզա Մեյի  կաբինետի անդամները զգուշացրել են,  որ նա ստիպված կլինի հրաժարական տալ, եթե երկրի խորհրդարանը հավանության չարժանացնի ԵՄ-ի հետ համաձայնագրի նախագիծը, իսկ նորը  չհաջողվի համաձայնեցնել: Այդ մասին, ըստ ТАСС-ի, գրել է The Daily Telegraph-ը` իր աղբյուրներին հղումով:

Ըստ դրանց`  մոտ օրերս կաբինետի անդամները կփորձեն համոզել Մեյին`  Բրյուսելից Brexit-ի համաձայնագրի լավագույն պայմանները կորզել: Եթե դեկտեմբերի 11-ին Բրիտանիայի խորհրդարանը քվեարկի ԵՄ գագաթնաժողովի ժամանակ հաստատված փաստաթղթի դեմ, իսկ վարչապետը չկարողանա ԵՄ-ից զիջումներ ստանալ, ապա մեծ հավանականությամբ նա ստիպված կլինի հրաժարական տալ: