Բելառուսի համար ռուսական գազի գինն արդեն ցածր է. Պուտին

Արդեն տեղեկացրել ենք, որ Ռուսաստանի և Բելառուսի նախագահներ Վլադիմիր Պուտինը և Ալեքսանդր Լուկաշենկոն ԵԱՏՄ բարձրագույն խորհրդի նիստի ժամանակ թեթև վիճել են գազի գնագոյացումը քննարկելու ժամանակ:

Լուկաշենկոն ուշադրություն է հրավիրել բելառուս սպառողների համար գործող պայմաններին` վառելիքը արժե 130 դոլար` 1000 խորանարդի համար, իսկ ռուս սպառողների համար` 70 դոլար: Պուտինն ի պատասխան ասել է, որ եթե Բելառուսի համար գործեր շուկայական գին, ապա գազը կարժենար 1000 խորանարդի համար 200 դոլար, ոչ թե` 130: Այնուհետև նա առաջարկել է քննարկել այդ հարցն ավելի ուշ` փակ ռեժիմով:

ՌԴ նախագահ Վլադիմիր Պուտինը, մեկնաբանելով Բելառուսի համար գազի գնի իջեցումը, ասել է, որ երկրի համար ռուսական գազի գինն արդեն ցածր է` շնորհիվ ԵԱՏՄ-ի, հետագա իջեցումը ժամանակ է պահանջում և ինտեգրման այլ մակարդակ: