Նիկոլ Փաշինյանը` կրկին վարչապետի թեկնածու

Նիկոլ Փաշինյանը առաջադրվել է վարչապետի թեկնածու պատգամավորների 1/3-ի կողմից: Լուրը Yerkir.am-ի հետ զրույցում հայտնեց ԱԺ «Ծառուկյան» խմբակցության պատգամավոր Նաիրա Զոհրաբյանը:

«Պահանջվում էր պատգամավորների 1/3-ի ստորագրությունը, հավաքվել է 40-ից ավելի ստորագրություն: Մեր պատգամավորներից մոտ 30-ը միացել է ստորագրությանը»,- ասաց նա և հայտնեց, որ ՀՀԿ խմբակցության պատգամավորների ոչ քաղաքական թևից էլ են միացողներ եղել:  

Վարչապետի թեկնածուների առաջադրման վերջնաժամեկտը այսօր մինչև ժամը 18:00-ն է: Հիշեցնենք, որ սա վարչապետի ընտրության 2-րդ փուլն է: Այս անգամ «Ելք» խմբակցությունը չէր կարող միայնակ առաջադրել Փաշինյանին, քանի որ այս փուլի համար անհրաժեշտ է 1/3-ի ստորագրությունը: Վարչապետի ընտրությունն այս անգամ տեղի կունենա նոյեմբերի 1-ին` ժամը 12:00-ին: Նշենք նաև, որ Նիկոլ Փաշինյանի առաջադրումը ֆորմալ բնույթ է կրում, և անհրաժեշտ է, որ նա չընտրվի, որպեսզի արտահերթ ընտրություններ կայանան: