Այս տարի տոնավաճառին ներկայացվել էր ավելի քան 1000 տաղավար. Արցախի պետական նախարար

Արցախի պետական նախարար Գրիգորի Մարտիրոսյանը իր ֆեյսբուքյան էջում անդրադարձել է այսօր Ստեփանակերտում անցկացված Բերքի փառատոնին:

«Ավանդույթի համաձայն՝ ամեն տարի հոկտեմբերի երկրորդ կիրակի օրը, մեր հանրապետությունում նշվում է Գյուղատնտեսության աշխատողի մասնագիտական տոնը: Այն առաջին հերթին նշանավորվում է Ստեփանակերտի Վերածննդի հրապարակում «Բերքի տոն»-ի կազմակերպմամբ, որտեղ հիմնականում ներկայացվում են արցախյան հողի բերքն ու բարիքը:

Ուրախ եմ արձանագրել, որ այս տարի տոնավաճառին ներկայացվել էր ավելի քան 1000 տաղավար, որտեղ վաճառքի է հանվել ինչպես անհատ հողօգտագործողների, այնպես էլ մասնագիտացված կազմակերպությունների արտադրանքը:

Օրվա կապակցությամբ, որն այսօր իր բարձր կազմակերպվածությամբ մի առանձին տոն պարգևեց հազարավոր մեր քաղաքացիների ու Արցախ ժամանած զբոսաշրջիկների, ցանկանում եմ սրտանց շնորհավորել բոլոր հողամշակներին և ժողովրդական հայտնի օրհնանքի խոսքերով նրանց բարեմաղթել. թող ձեր մեկը հազար դառնա…»: