Տոնավաճառին մասնակցելու անիմաստը ո՞րն է

Մեզ հասած տեղեկությունների համաձայն` ընթացիկ տարվա օգոստոսի վերջին Հայաստանը պետք է մասնակցեր Պեկինի գրքի միջազգային տոնավաճառին:

Ըստ մեր աղբյուրի` այն նախատեսված է եղել ՀՀ եւ ՉԺՀ մշակույթի նախարարությունների միջեւ 2012-16թթ. մշակութային համագործակցության համաձայնագրի շրջանակներում:

Սակայն ԵՐԿԻՐ-ի հետ զրույցում ՀՀ մշակույթի նախարարության մամուլի քարտուղար Գայանե Դուրգարյանը հերքեց այդ փաստը:

«Նպատակահարմար չի գտնվել մասնակցել տոնավաճառին, քանի որ հաջորդ տարի Չինաստանում կրկին լինելու է գրքի տոնավաճառ, իսկ Հայաստանը միջոցառմանը մասնակցելու է մեծ մասշտաբով` լինելով ցուցահանդեսի պատվավոր հյուրը»,- տեղեկացրեց Դուրգարյանը` հավելելով, որ 2 տարի անընդմեջ մրցույթին մասնակցելն անիմաստ կլինի: