«Յունիբանկ»-ում անհատական պահատուփեր կարելի է վարձակալել` սկսած 2 250 ՀՀ դրամից

Յունիբանկի հազարավոր հաճախորդներ արդեն իսկ գնահատել են անհատական պահատուփերի հարմարավետությունն ու ապահովածությունը: Անհատական պահատուփը ոսկերչական իրերի, կարևոր փաստաթղթերի կամ կանխիկ գումարի պահպանության ամենահարմար և ապահով տարբերակներից մեկն է: Յունիբանկում անհատական պահատուփ կարելի է վարձակալել 7 օրից մինչև 1 տարի ժամկետով: Վարձակալման Ճկուն ժամկետները պայմանավորված են հաճախորդների ցանկությամբ:

Հաճախորդը կարող է այն վարձակալել կարճ ժամկետով` մեկնելով գործուղման կամ ճամփորդության, կամ էլ` երկարաժամկետ, մշտապես օգտվելով ծառայությունից: Բանկն առաջարկում է երեք չափսի պահատուփեր` 110x220x480 մմ, 200x220x480 մմ և 200x450x480 մմ: Պահատուփերի վարձույթի գինը մատչելի է բնակչության ամենալայն շրջանակին: Մինչև 31.10.2018թ.-ը Յունիբանկի չորս մասնաճյուղերում` «Աճառյան», «Կենտրոն», «Գարեգին Նժդեհ» և «Գյումրի» պահատուփեր կարել կլինի վարձակալել 50% զեղչով` սկսած 2 250 ՀՀ դրամից մինչև 22 500 ՀՀ դրամ:

«Մենք ցանկանում ենք, որպեսզի հնարավորինս շատ հաճախորդներ տեղեկացված լինեն անհատական պահատուփերի վարձակալման ծառայության մասին, - նշում է Յունիբանկի կոմերցիոն բիզնեսի զարգացման ղեկավար Գառնիկ Սարգսյանը:

- Կա կարծրատիպ թե անհատական բանկային պահատուփը շքեղություն է: Իրականում դա բավականին մատչելի և հարմար տարբերակ է թանկարժեք իրերի պահպանման համար: Մեր ակցիայի շրջանակներում հաճախորդները կարող են վարձակալել պահատուփը կես գնով և համոզվել թե որքան հարմար և ապահով է այս ծառայությունը»: