Հանրահավաք` Բաքվում. պահանջում են ռազմական գործողություններ Արցախում

Սեպտեմբերի 29-ին Ադրբեջանի մայրաքաղաք Բաքվի Յասամալ շրջանի սպորտային ու առողջապահական համալիրի մարզադաշտում բազմամարդ հանրահավաք է տեղի ունեցել, որի մասնակիցները իշխանություններից պահանջել են սկսել «Ղարաբաղի ազատագրման» ռազմական գործողություն:

Ըստ Caucasian Knot-ի` հանրահավաքը կազմակերպվել է «Ղարաբաղ» հանրային կոմիտեի կողմից` իշխանությունների թույլտվությամբ:

Հավաքի ընթացքում մասնակիցները պահանջել են սկսել «հակաահաբեկչական գործողություն Ղարաբաղում» և «Ղարաբաղի ազատագրում»: Նրանք նմանատիպ կարգախոսներ են վանկարկել: 

Ղարաբաղի ազատագրման կազմակերպության ղեկավար Ակիֆ Նագին հավաքին հայտարարել է, որ իրենց նպատակն է «բարձրացնել Ղարաբաղի ազատագրման հարցում հանրային ակտիվությունը»։ «Ժամանակն է դիմել վճռական գործողությունների»,- ասել է նա` կրկնելով ադրբեջանական կողմի` «օկուպացման» վերաբերյալ մշտական զառանցանքները: