Մակրոնը ՄԱԿ-ում աննկատ քննադատել է Թրամփին. Le Monde

Ֆրանսիայի նախագահ Էմանուել Մակրոնը Նյու Յորքում ՄԱԿ-ի Գլխավոր վեհաժողովի նիստում քննադատությամբ է պատասխանել ԱՄՆ նախագահ Դոնալդ Թրամփի` «իրանական ռեժիմը մեկուսացնելու» մասին խոսքերին՝ չհիշատակելով Միացյալ Նահանգները կամ երկրի նախագահի անունը: Այդ մասին գրում է Le Monde-ն. հայտնում է Газета.ру-ն:

«Այդ միակողմանի ճանապարհը մեզ տանում է դեպի անկում և կոնֆլիկտներ, բոլորը բոլորի դեմ ընդհանուր առճակատման՝ ի վնաս բոլորի, անգամ` նրանց, ովքեր իրենց ամենաուժեղն են համարում»,- ասել է Մակրոնը՝ անուններ չտալով:

«Այնուհետև Ֆրանսիայի նախագահը հավելել է, որ «միակողմանի ճնշումը» չի  օգնի Իրանում իրավիճակի կայունացման գործընթաց սկսելուն»,- նշում է թերթը: