Կառավարության ադապտացիոն շրջանն ավարտված է. Նիկոլ Փաշինյան

Այսօր կառավաության նիստում վարչապետ Նիկոլ Փաշինյանը նշեց, որ կառավարությունը իրականացնելու է ընդարձակ բարեփոխումներ, բայց դրանք չպետք է լինեն հապշտապ, «ափալ-թափալ», չմտածված:

Նրա խոսքով` կառավարության ադապտացիոն շրջանն ավարտված է եւ պետք է լրջորեն զբաղվել բարեփոխումների լայնածավալ գործողություններով: «Ես կարծում եմ, որ մենք պետք է արձանագրենք բարեփոխումների մեր մեթոդաբանությունը՝ հաշվի առնելով Հայաստանում առկա քաղաքական իրողությունները: Ընդունված է ասել, որ բարեփոխումները ցավոտ գործընթաց են: Ես կարծում եմ, որ այս տրամաբանությունից պետք է հրաժարվենք, որովհետեւ բարեփոխումների մեր ալգորիթմը պետք է լինի ընդարձակ երկխոսությունը հանրության հետ, համաձայնության հաստատումը այս կամ այն բարեփոխումների ուղղությամբ: Եթե բարեփոխումներ իրականացնելու համար ունենք բավարար փաստարկներ, ապա այդ նույն փաստարկներով պետք է ներկայանալ հանրությանը»,-ասաց վարչապետը: