Քոչարյանի՝ ազատ արձակման դեմ բողոքի ակցիա իրականացնողները դատախազության մոտ են

Տեղեկացրել էինք, որ այսօր ժամը 12-ին նախատեսված ՀՀ երկրորդ նախագահ Ռոբերտ Քոչարյանի մամուլի ասուլիսը տապալվեց:

Մի խումբ քաղաքացիներ, ովքեր բողոքի ակցիա էին անում այն հյուրանոցի առջև, որտեղ պետք է տեղի ունենար այն, մտան հյուրանոց, այնուհետև այն սրահ, որտեղ էլ պետք է տեղի ունենար մամուլի ասուլիսը: Նրանք նշում են, որ դեմ են դատարանի՝ Քոչարյանի ազատ արձակման որոշմանը:

Քոչարյանը հեռացավ մամուլի ասուլիսի համար նախատեսված վայրից, իսկ բողոքի ակցիա իրականացնողների մի մասը շարժվեց դեպի դատախազության մոտ: Նշենք, որ բողոքի ակցիա իրականացնողների մի մասը դեռ շարունակում է մնալ մամուլի ասուլիսի համար նախատեսված սրահում:

Դատախազությունից հայտնել են, որ կմոտենան բողոքի ակցիա իրականացնողներին: