Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Օգոստոսի 2-ին Երևանում, ՀՅԴ Սիմոն Վրացյան կոնտրոնում հանդիպում է տեղի ունեցել ՀՅԴ Հայաստանի «Նիկոլ Աղբալյան» և Լիբանանի «Սիմոն Զավարյան» ուսանողական միությունների վարչությունների և անդամների միջև:
ՀՅԴ ՆԱՈՒՄ անդամները ողջունել են «Դէպի երկիր» 2018 «Արամի կամքով, արցախեան ոգիով» ծրագրի շրջանակներում Հայրենիքում գտնվող և պատանեկան ճամբարներ կազմակերպող լիբանանահայ երիտասարդ դաշնակցականներին: Կարևորվել է հայրենիք-սփյուռք կապերի անընդհատության խորացմանն ու պատանիների կրթադաստիարակչական գործի կազմակերպմանն ուղղված նմանատիպ ձեռնարկների շարունակականության անհրաժեշտությունը:
Քննարկվել են նաև Հայաստանում իշխանության խաղաղ անցումից հետո ձևավորված ներքաղաքական նոր իրողությունները, առկա մարտահրավերներն ու հնարավոր ներքին ու արտաքին զարգացումները, ինչպես նաև ներկուսակցական-միջմիութենական հարաբերությունների առավել սերտացմանն ուղղված կոնկետ ծրագրերը:
Համաձայնություն է ձեռք բերվել Հայաստանցի և լիբանանահայ ուսանողության համար կրթական կարճաժամկետ և միջնաժամկետ ծրագրեր իրագործելու շուրջ համատեղ աշխատանքների մեկնարկի վերաբերյալ:
ՀՅԴ «Նիկոլ Աղբալյան»
ուսանողական միություն