«Ելք»-ում քննարկումներ են Երևանի ավագանու ընտրություններին մասնակցելու ձևաչափի շուրջ

Այժմ քննարկումներ են գնում թե' թեկնածուի, թե' ընտրությանը մասնակցելու ձևաչափի հետ կապված. լրագրողների հետ զրույցում ասաց Երևանի ավագանու «Ելք» խմբակցության անդամ Թեհմինա Վարդանյանը: Նա նշեց, որ ժողովրդի գնահատականը ցույց կտա` ով կլինի Երևանի քաղաքապետ:

Դիտարիմանը, թե լուրեր են շրջանառվում, որ «Ելք»-ից նրա թեկնածությունը կարող է առաջադրվել, Վարդանյանը պատասխանեց. «Այս պահին իմ թեկնածության առաջադրումը  բացառվում է»:

Հարցին էլ` ՔՊ-ն առանձի՞ն կմասնակցի Երևանի ավագանու ընտրություններին, թե՞ դաշինքով, նա պատասխանեց, որ այս հարցը դեռ քննարկվում է:

Իսկ թե ինչ՞ւ «Ելք»-ը չմասնակցեց  նիստին և թեկնածու չառաջադրեց, ըստ Վարդանյանի` իրենց տարածած հայտարարության մեջ ամեն ինչ ասված էր: Նա նշեց, որ քննարկումների ավարտից հետո հանդես կգան նոր հայտարարությամբ: