Մարտի 1-ի գործով Յուրի Խաչատուրովին էլ կհարցաքննեն. «Ժամանակ»

«Ժամանակ» թերթը գրում է. ««Ժամանակ»-ի տեղեկություններով՝ Հատուկ քննչական ծառայությունը վկայի կարգավիճակով հարցաքննության ծանուցագիր է ուղարկել նաեւ ՀԱՊԿ գլխավոր քարտուղար Յուրի Խաչատուրովին։

Նշենք, որ Յուրի Խաչատուրովը 2008 թվականի մարտի 1-ին զբաղեցնում էր Երեւանի կայազորի պետի պաշտոնը եւ ըստ տեղեկությունների՝ մասնակցություն է ունեցել ՀՀ նախագահի կողմից արտակարգ դրություն հայտարարելու կապակցությամբ ՀՀ նախագահի նստավայրում ստեղծված շտաբի աշխատանքներին։

Հենց մարտի 1-ից հետո՝ 2008թ. ապրիլի 15-ի հրամանագրով նա նշանակվեց ՀՀ Զինված ուժերի գլխավոր շտաբի պետ-պաշտպանության նախարարի առաջին տեղակալի պաշտոնում»:

Առավել մանրամասն՝ թերթի այսօրվա համարում: