Կորած քաղաքացին հայտնաբերվել է Սարատովկա գյուղին հարակից անտառում

Հունիսի 24-ին, ժամը 18:27-ին «911» ծառայությանն ահազանգ է ստացվել, որ ժամը 12:00-ի սահմաններում Վ. Ա.-ն (1939 թ.) կորել է Լոռու մարզի Սարատովկա գյուղի մոտակա անտառում. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Ժամը 21:00-ի դրությամբ որոնողական աշխատանքներին մասնակցում են 10 փրկարար ծառայող, 10 ոստիկան, կորած քաղաքացու հարազատներից 5 հոգի և 3 գյուղի բնակիչ:

Ժամը 22:20-ի դրությամբ աշխատանքներն ավարտվել են անարդյունք: 

Հունիսի 25-ին, ժամը 07:00-ին որոնողական աշխատանքները վերսկսելու նպատակով դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ և մարզային փրկարարական վարչության օպերատիվ խումբը:

Վ. Ա.-ն հատնաբերվել  է Սարատովկա գյուղի հարակից անտառամերձ հատվածում. քաղաքացուն իջեցնելու և շտապօգնության ավտոմեքենային մոտեցնելու համար անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից ևս մեկ մարտական հաշվարկ: Փրկարարները Վ. Ա.-ին փրկարարական «ՈՒԱԶ» մակնիշի ավտոմեքենայով տեղափոխել են Տաշիր քաղաքի ԲԿ:

Որոնողափրկարարական աշխատանքներին մասնակցել են 25 հրշեջ-փրկարար, 30 ոստիկան և 15 քաղաքացի: