Լավ ենք հասկանում միմյանց. Փաշինյանը` Պուտինի հետ շփման մասին

ՀՀ վարչապետ Նիկոլ Փաշինյանը հարցազրույց է տվել «ՄԻՐ» հեռուստաընկերությանը: Անդրադառնալով ՌԴ նախագահ Վլադիմիր Պուտինի հետ հանդիպմանը, և հարցին, թե ինչպիսի հարաբերույթւոններ ձևավորվեցին այդ հանդիպման ընթացքում, Փաշինյանը ասել է.

«Մեր միջև հաստատվել են անկեղծ, անմիջական հարաբերություններ: Կարծում եմ, դա շատ լավ է: Մենք ամեն ինչ քննարկում ենք ազնիվ, և շատ լավ ենք հասկանում միմյանց: Այդ անմիջականությունը շատ է օգնում, որ այդ կարճ ժամանակահատվածում մենք հասնենք վստահելի փոխգործակցության»:

Հարցին, թե ինչ հարաբերություններ ունի Հայաստանը Վրաստանի հետ, Փաշինյանը պատասխանել է.

«Շատ լավ հարաբերություններ ունենք Վրաստանի հետ: Իմ վերջին այցը Վրաստան շատ հաջող էր: Մենք իհարկե սկսելու ենք աշխատել Վրաստանի նոր կառավարության հետ, և կարծում եմ, մեր հարաբերությունները շատ լավ կընթանան, քանի որ դրանում հետաքրքրված են թե Հայաստանը, թե Վրաստանը, թե Ռուսաստանը»: